Gavemo da` una svolta alla vacanza.....

Finido de scriver l'ultimo post, Paco ga comincia ansiamente a farne furia per andar a cior el traghetto, xche` altrimenti lo gavessimo perso, perche` no savevimo la strada, perche` mancava solo 3 ore, ecc..., con mi che ghe disevo "Paco, dai, RESPIRA...easy" e lui che se incazzava sempre de piu`......ovviamente semo rivada superpresto in starorario e gavemo speta` soto el sol de imbarcar l`auto sul traghetto, su cui gavemo pranzado.
Dopo una piacevoloe croceira de 3 ore in mezzo ai fiordi, semo sbarcadi a Wellington e se semo diretti in centro.
Finalmente una citta`, con traffico, palazzoni, negozi, addirittura fighe per strada...dopo gaver fatto finta de non sentir Paco che diseva "Xe un ostello qua, parcheggia che ghe domandemo quanto costa..." da buon GPS go porta el nostro autista Luca verso el motel che la Lonely Planet giudicava el miglio della citta`.
Ispezionada la stanza gavemo trova` camere spaziose, lensio novi, sugamani che suga, i solito 4 posti letto,e soprattutto la vasca idromassaggio.
El bomber al grido de "Fasemo un po' vita de qualita`" ovviamente dava el suo assenso all'alloggio con Paco che nol diseva niente anche se iera la stanza + cara finora.
Parentesi Alberghi: dopo la prima notte che gavemo paga 110$NZ per un letto doppio diviso tra Paco e Luca a castello con Soby sora la testa, el Bomber se ga impunta chel vol solo camere con 2 letti singoli e 1 matrimoniale per non sentir + russar nele recce Paco e per poder dormir nudo, gavemo paga` 120-140-170$NZ, fino ai 185$NZ qua a Wellington (pari a 90 iuri a camera, 30 a testa) e da stanotte 200$NZ dato che i ne ga sposta` in un appartamentin)
Subito in giro per la citta`, cariga de gente alternativa, tutti muli giovani, localoni e fighe in giro....poi sul lungomare gavemo visto 300 persone sentade per terra sull'erba, se avvicinemo e iera tutte a far aperitivo fora de un local.
Abbandonemo el pregetto inizial de visita al Museo e via de birrette.
Poi proseguimo in un altro localon el giro de apritivi e de stuzzighessi, fin alle diese, doccia veloce e poi de novo in giro fra locai con dj e musica dal vivo e babe, incredibile fin le 3.
Oggi colaziuon alla francese, internet e poi via in spiaggia, prima del prox aperitivo.
Resteremo qua 3 gg ,per becar el venerdi` e el sabato sera poi da domenica Paco ne ga gia` preannuncia` che se torna tra le piegure, la pellagra, e la foresta sensa festa.

Messaggio in codice: Franchino a Nelson se ga cambia la mietta dopo 3 gg ma le calse no...