Una dele piu` bele serate della nostra vita

Partimo de mattina, dopo un ora gratis de internet in caffetteria....., per cior el visto per la Cina, ma un italian che lo stava fasendo ne sconsiglia de andar a Shenzhen,e cusi` dirottemo per andar a Stanley Market e veder la corsa de cavai la sera.
Prenotemo el biglietto e dopo gaver pagado l`ingresso e l`open buffet e bar per la serata, i ne avvisa che dovemo vestirse ben, no va ben jeans e maietta...CASIN
Rivemo ad accordarse per Polo e Jeans scuri e partimo per lo shopping.
Go passa` la giornata a far de Caddy al Bomber, scatendao nei acquisti, altro che andar giogar a golf.
Luca triste perche` i ghe gaveva dito che non andava ben come iera vestido (2a volta sto viaggio...)ga pensa ben de ciorse un per de scarpe eleganti a 20 iuri, ma no xe sta una grande idea, visto che ogi nol riva a caminar per i busi che le ghe ga provocado sui taloni.
I ne ciol su col pulman e andemo a Happy Valley, l'ippodormo de 55mila posti de Hong Kong. La nostra guida ne spiega come se punta, la storia del Jockey club de HK, e ne porta al ottavo piano de `sto impianto, pienon.
La sala xe bellona, cameriere da tutte le parti, gran classe, semo in tavolo con 3 famiglie de scozzessi cocoloni e super bevidori, un tifoso del Celtic. Che quando ga savu` chel Bomber giogava a balon ghe ga taca` un boton che no pode` imaginar.
El buffet semplicemente strepitoso, cameriere che de continuo de riempiva el bicer, puntada su ogni corsa (de galoppo..), impianto stupendo, gavemo anche ciapa` 3 corse....insomma una delle p[iu` belle serate della nostra vita.
I ne ga anche porta` davanti all` arrivo cusi` gavemo podu` veder i cavai da vicino e nasar l`erba del prato, fantastico.
Ovviamente con l'open bar, i camerieri che faseva el refill da soli, i scozzesi davanti che ciacolava e ingurgitava bira e vin, gavemo ciapa` una bona balatta e magna come dei luridi. Ditta cussi` pol sembra una serata che se pol far anche a l`ippodromo de Trieste, ma credeme, xe stada una roba unica nella vita!!!!